شه‌فه‌ق نيوز/ دۆناڵد ترامپ سه‌رۆك ئه‌مريكا، ئه‌را دويه‌م رووژه په‌لامار ئه‌را بان دادگايه‌يل فيدراڵى ئه‌مريكى ئه‌نجام داگه له‌وه‌ر شكه‌ستهاوردن وه هه‌وڵ فه‌رمانه سه‌رۆكايه‌تيه‌گه‌ى ك قه‌يه‌غه‌ى هاووڵاتيه‌يل هه‌فت ده‌وڵه‌تى له‌تى كرد ئه‌را چگن وه‌ناو وڵاته‌يل يه‌كگرتگ و هه‌ر وه‌و خاتريشه وشدارى دادگايه‌يل ئه‌و وڵاته ك وه‌ى ره‌فتاره‌يله ئاسايش وڵاته‌گه نه‌خه‌نه مه‌ترسى.
ترامپ له ماڵپه‌ڕ كۆمه‌ڵايه‌تى تويته‌ر وت: من ناتوانم باوه‌ڕ بكه‌م ك چوين دادوه‌ريگ وڵاته‌گه‌مان ئه‌خاده ئيچنه مه‌ترسييگ، ك ئه‌گه‌ر هه‌ر چشتيگ روێدا ئه‌و و سيستم دادوه‌ريه‌گه‌ى له‌تى وه‌رپرسن، چوينكه من فه‌رمان دامه وزاره‌ت ئاسايش ناوخوه‌يى هه‌ركه‌سيگ ئه‌ياده ناو وڵاته‌گه وشكانن پڕ دقه‌تيگ ئه‌راى بكه‌ن، وه‌لێ دادگايه‌يل كاره‌گه فريه سه‌خته‌و كردنه.
جى باسه، ده‌مه‌و شه‌وه‌كى دويه‌كه‌ى يه‌كشه‌ممه، دادگاى فيدراڵى داواكارييگ هه‌ڵه‌په‌ڵه‌ى ئداره‌ى ترامق ره‌ته‌و كرد له‌باره‌ى كاركردن وه بڕياره‌گه‌ى ك له‌تى قه‌يه‌غه‌ى هاووڵاتيه‌يل هه‌فت ده‌وڵه‌ت كرد.