شه‌فه‌ق نيوز/ دۆناڵد ترامپ سه‌رۆك ئه‌مريكى فه‌رمان دا روخسار ماڵ چه‌رمگ وه ره‌نگ كه‌و ره‌نگ بكريه‌ێد، ئه‌ويش له‌وه‌ر حورمه‌تيگ له قوربانيه‌يل پۆليس له‌وانه‌ك له‌وه‌رخت ئه‌نجامداين كاره‌يليان كوشيان، ك وه‌و خاتريشه ماڵ چه‌رمگ وه ڕه‌نگ كه‌و ده‌ركه‌فت ك ره‌نگيگ نموونه‌يى جنگه‌يل زوورم پۆليسه له وڵاته‌يل يه‌كگرتگ.
ترامپ له‌وه‌رده‌م باره‌گاى كۆنگرس قسه ئه‌را سه‌دان كه‌س له پياوه‌يل پۆليس كرد له ساڵياد "ئه‌فسه‌ره‌يل ئاشتى" ك 55 ساڵ وه‌رجه ئيسه له‌لايه‌ن جۆن كنيدى سه‌رۆك وه‌رين بڕيار درياو وت: ئيوه خه‌ت جياكه‌ر ناونى شارستانيه‌ت و ئاژاوه‌كاريين.
سه‌رۆك ئه‌مريكى هه‌ميش وت: جه‌خت له‌وه ئه‌كه‌يم ك پۆليسمان كار وه دادگه‌رى و ريز و حورمه‌ته‌و ئه‌كه‌ن، ك يه‌يش ئه‌وله‌ويه‌ت ئداره‌گه‌مه‌و هه‌ر قه‌تره‌يگ خوين له جه‌سه‌ێ پاڵه‌وانه‌يل خاوه‌ن جنگه‌يل كه‌ومان زه‌خميگه له گشت ده‌وڵه‌ت و هه‌ر ژانيگ له خيزانه‌يليان ژان گشت ملله‌ت ئه‌مريكيه.
جى باسه، ساڵ گوزه‌يشت 118 پۆليس له وڵاته‌يل يه‌كگرتگ كوشيان و دوناڵد ترامپ سه‌رۆك ئه‌مريكييش وت 66 له‌ليان قوربانى په‌لاماره‌يل بوينه.