شه‌فه‌ق نيوز/ دوناڵد ترامپ سه‌رۆك ئه‌مريكا ئاشكراى بار نائاسايى كرد له‌بان ئاست فيدراڵى له‌ ولايه‌ت ئالاسكا، ئه‌ويش دوياى كه‌فتنه‌وه‌ى زه‌ويه‌له‌رزه‌ى قايميگ له‌و وڵايه‌ته‌.

له‌ى باوه‌ته‌و، ماڵ چه‌رمگ وت: دوناڵد ترامپ فه‌رمان پيشكه‌شكردن ده‌سميه‌ت داگه‌ ئه‌را ئه‌و ولايه‌ته‌ بيجگه‌ هه‌وڵه‌يل حكومه‌ت و هيزه‌يل جواودانه‌وه‌ى گورج ناوچه‌يى وه‌ بوونه‌ى ئه‌و روێداگ سروشتيه‌.

ماڵ چه‌رمگ هه‌ميش وت: بڕياره‌گه‌ ترامپ رێ وه‌ وه‌زاره‌ت ئاسايش ناوخوه‌يى و ئاژانس ته‌وارێ فيدراڵى ئه‌ياد هه‌ماهه‌نگى بكه‌ن ئه‌را تيكه‌ڵكردن گشت هه‌وڵه‌يليان له‌وه‌ر ده‌سميه‌تداين مه‌ردم ئه‌و ولايه‌ته‌ و داراييش ته‌رخان ئه‌كريه‌ێد ئه‌را بنياتنانه‌وه‌ى ناوچه‌يل زه‌ردمه‌ن ل ولايه‌ته‌گه‌ له‌ بودجه‌ى فيدراڵى.

جى باسه‌، دويه‌كه‌ جومعه‌ له‌ ناوچه‌ى ئالاسكازنجيره‌ زه‌ويه‌له‌رزه‌يگ روێدا ك هيزه‌يل له‌ناونى 6,6 و7,2 پله‌ى ريخته‌ر بوێ.