شەفەق نیوز ـ واشنتۆن
سەرۆک ئەمریکا دونالد ترمب، دەمەو گوڵ سوو ئمڕوو پەنجشەممە وت: جەنگ وەگەرد ئیران "فرە زوی" کۆتایی تێد، و دیاریکرد تەهران وە تونی خوازیار رەسين وە رێککەفتنیگە.
ترەمب وتیش، ویلایەتەیل یەکگرتگ توەنێد لە "هەر وەختیگ بخوازیمن" وەگەرد ئیران بڕەسێدە رێککەفتن، و دووپاتکرد ئیران "هەرگیز دەسێ وە چەک ئەتۆمی نیەڕەسێد.
ترمب باس لەو زەرەردەیلە کرد کە لە جەنگەیە وەر ئیران کەفتگە، و وت "گشت چشتیگ رمیاگە" و چەکە دەریاییەی "لە قویڵایی کەنداوە"، و دیاریکرد ویلایەتەیل یەکگرتگ ئاخڵەیگ کەم وێنە خەسگەسە بان ئیران.
دووپاتکرد جەنگەکە فرە زوی کۆتایی تێد، و وەپای باوەر ئەو ئیران دی توان وەردەوامبوین نەیرێد و لە خود وەختەگە مەزەنە کرد کە نرخ نەفت و بەنزین وە دەسوەجی داوەزێد.
لەباوەت جەنگ روسیا و ئۆکراینا، ترەمب وت ئیدارەگەی کار ئەرا کۆتاییهاتنی کەێد، ومەزەنە کرد ئەو جەنگەیشە فرە زوی کۆتایی باد.
لە لایگ ترەک، ماڵپەڕ "ئەکسیۆس"، لە وەختیگ دیر لە شەو چوارشەممە وت: دیدارەگەی ترەمب وەگەرد سەرکردەیل وڵاتەیل کەنداو لە هەفتەی ئایندە لە نیویۆرک، مەزەنە کریەێد سەرەنج بەێدە بان نەخشەیل ویلایەتەیل یەکگرتگ ئەرا ستراتیجی دویای جەنگەگە.
ماڵپەڕەگە لە راپۆرتەگەی پشت وەو قسەیلە بەسا کە سەرچەوەیلیگ بیناو وەپییان راگەیاندییە.
وتیش؛ ترەمب وەگەرد سەرکردەیل یا وەزیرەیل دەرەوەی وڵاتەیل ئەنجومەن هاوکاری کەنداو رووڕوو بوود.
نە وەزارەت دەرەوە و نە کۆشک چەرمگ وەڵام داواکاریەیل ئەرا دەربڕین رای خوەیان نەیانە.
.