شەفەق نيوز - واشینتۆن
دۆناڵد ترەمپ سەرۆک ئەمریکا، وەکارهاوردن چەک ئەتۆمی لە هەر پەلاماریگ سەربازی لەبان ئیران وەدویر زانست، دووپاتیش کرد کە تەل ئەبیب پەنا وەی کارە نیەوەێد هەرچەن خوەرھەڵات ناوڕاس کەفتیەسە جەنگ و رویوەڕویبوین.
لە وەڵامدان پرسیارەیل لەبان مەزەنەیل دەیڤد ساکس سڵاکاری لە بوداکاست کە لەناوی باس ئەگەر هویرکردن ئیسرائیل وە پەلاماریگ ئەتۆمی کرد، ترەمپ وت: ئیسرائیل ئەو کارە نیەکەێد، ئیسرائیل قەت ئەو کارە نیەکەێد.
ئی قسەیلە ئەرا کپەوکردن رخداریەیل ناودڵەتی تیەێد لە سڕبردن جەنگ ناوەین تەهران و تەل ئەبیب وەرەو ئاستیگ بیوینە لە ویرانکاری گشتگیر.
دویەکە دووشەمە، ترەمپ لە قسەیلی ئەرا رووژنامەنویسەیل لە نویسنگەی خوەیەو لە ماڵ چەرمگ وت: وە ماوەی تەنیا دوو هەفتە زەرەدەیل گەورەیگ وە ئیران رەسانیە، و ئەو کارە ئەرا جیهان بویە.
وتیش: دەسوەردان سەربازی وەبان ئیران ئەرا نواگیریکردنی لەوە هات کە بوودە خاوەن چەک ئەتۆمی، وتیش: وەنە جویلەنەکردن ئەرا جەنگ ئەتۆمی چیاد و هاتێ بویاتادە جەنگ جیهانی سێیەم.