شەفەق نیوز - واشنتۆن
دۆناڵد ترەمپ، سەرۆک ئەمریکی دووپات کرد کە وڵاتەگەی "شکستیگ سەخت" تویش ئیران کرد لە ماوەی ئۆپراسیۆنە سەربازییەیل کە لە کۆتاییەیل شوبات / فێبریوەری گوزەشتە لە ناوچەگە دەس وەپی کردن، وە نووەوکردن پابەندبۊن واشنتۆن وە ریگریکردن تەهران لە خاوەنداریەتی چەک ئەتۆمی.
ترەمپ لە لێدوانەیلیگ رووژنامەوانی وت: "ئیران تەنیا دوو هەفتە لە وەردەمی بۊ ئەرا خاوەنداریەتی چەک ئەتۆمی"، وە دەسنشانکردن ئەوە کە گورزە سەربازییەیل دامەزراوەیل گرنگ و سەرکردایەتییەیل باڵا لەناو رژیم ئیرانی کردنە ئامانج و تەقەلایەیلی پۊچەڵەو کردن.
لەباوەت رخەیل لە ئاستەنگ دروسکردن ئەرا زنجیرەیل دابینکردن وزە وە هوکار ئاڵووزییە ئەمنییەیل، ترەمپ باس کەمەوبۊن قەیرانەگە کرد، وە دووپاتکردن ئەوە کە بڕ بارەیل نەفت کە لەی وەخت ئیسە لە گەروو هورمز رەد کەن لە ئاستەیل وەرجە جەنگ رەد کردگە.