شەفەق نیوز - واشنتۆن

دۆناڵد ترەمپ سەرۆک ئەمریکا وت، کە ئەو پەلامارە ئەرا بان فڕۆکەخانەی ریاز کە بۊە مدوو کوشیان وە لای کەمەو 12 کەس، دۊەکە شەممە، "قبووڵنەکریاگە".

سەرۆک ئەمریکی لە لێدوانەیلیگ رووژنامەوانی وتیش، کە وڵاتە یەکگرتگەیل پەیوەندی وەرد حووسییەیل دیرێد و دۊنێد چە روی دەێد، وەلی وت: "ئەوەگ کردنەی فرە گەن بۊ".

لەلای خوەیەو، ئەمیندار گشتی نەتەوە یەکگرتگەیل ئەنتۆنیۆ گۆتێرێش "وە تونی" شەرمەزار ئەو پەلامارە کرد کە حووسییەیل وەبان فڕۆکەخانەی ناودەوڵەتی مەلیک خالید لە ریاز پایتەخت سعوودیە جیوەجی کردن.

ئی هەڵوێستەیلە هاووەخت تیەێد وەرد ئەوەگ دەسەڵاتدارەیل سعوودیە راگەیانن کە پەلامارەگە، کە سێیەم پەلامارە لە ماوەی چەن رووژیگ کەم ئەرا بان فڕۆکەخانەی ناودەوڵەتی ریاز، بۊەسە مدوو کوشیان وە لای کەمەو 12 کەس و زەخمداربۊن فرەتر لە 300 کەس ترەک، وەرد زیایکردن پەلامارەیل گرووپ حووسی یەمەنی هاوپەیمان وەرد ئیران ئەرا بان شانشینەگە.

دەسەی فڕۆکەوانی مەدەنی سعوودیە وت کە لە ناو کوشیاگەیل چوار سعوودی، و دوو کەس لە بەنگلادیش، و یەک کەس لە هەر کام لە وڵاتە یەکگرتگەیل و ئوردن و فەلەستین و سووریا و سوودان و مسر هەس، وەپەی نووترین ئامار کە وەرپرسەیل راگەیاننەسەی، 309 کەسیش زەخمدار بۊنە.