ترەمپ لەباوەت ئەنجامدان ئۆپەراسیۆن سەربازی ئیسرائیل لە غەززە، لە بەرنامەی "The Hugh Hewit Show" وت: "بایەسە کۆتایی وەپی بارێد و چشتەیل ئاساییەو بکەێد، و دڵنیا نییم لەوە کە شیواز ئەنجامدانیان وەدڵم بوود، چوینکە بایەسە سەرکەفتن وەدەس بارێد، ئەویش وەخت فرەیگ خوازێد."

ترەمپ وەرگری لەو لێدوانەیلە کرد کە لەی دویاییە لە چەوپیکەفتنیگ وەرد رووژنامەی "ئیسرائیل هایۆم" ئیسرائیلی و راگەیان کە ئیسرائیل  "کۆتاییهاوردن وە جەنگەگەی" وەرد "حەماس" خوازێد و "پاڵپشتییگ فرە لە جەهان لەدەس دەێد". 

ترەمپ وتیش: ئەوەگ من فرە وە ئاشکرا وتم ئەوەسە کە بایەسە کۆتایی بارێد، و گلەو بخوەێد ئەرا ئاشتی و واز لە کوشتن مرۆڤەیل باریمن يانە قسەیل فرە سادەن، وتەواو، بایەسە ئەوەگ دەسوەپی کردنە تەواو بکەن، بایەسە زویوەزوی تەواو بکرێد، چوینکە بایەسە ئاشتی باێدەو و "ژیان ئاساییەو بوود".

 ترەمپ لە درویژەی قسەیلی وتیش؛ ئیسرائیل گیچەڵ وەرد پەیامە گشتیەیل دیرێد، و وتیش، “وەدڵنیاییەو ئیسرائیل جەنگ پەیوەندی گشتی لەدەس داس ”.

هەمیش وت: "چشتیگ ترەک کە خوەسەم لەلی تیەێد گشت شەویگ ەەردەوام ڤیدیۆ بڵاوکەنەو، کلیپ لەبان کەفتن باڵەخانەیگ، نەبایەس ئیجویر ڤیدیۆیگ بڵاو بوود ئەوان ئی کارە کەن. هەر تا جەنگ پەیوەندی گشتی لەدەس دەن". 

سەرچاوە: سی ئێن ئێن + رووسیا تودەی