شەفەق نيوز - واشینتۆن
دۆناڵد ترەمپ سەرۆک ئەمریکا، ئمڕوو سێشەممە، وت: ئەمریکا هاتێ دووارە بەێد لە ئیران ئەگەر کارەگە بخوازێد، ئەوەیش لە دویای قسەیل عەباس عراقچی وەزیر دەیشت لە وازنەهاوردن لە توخمەکردن ئۆرانیۆم.
ترەمپ وتیش: بەرنامەی ئەتۆمی ئیران وە سەختی زەرەدمەن بوی و ویران کریا، وتیش: بایەسە ئەو میدیایەیلە کە گومان لە هاز گورزەیلمان لەناو ئیران کردن بایەسە داوای وەخشین بکەن.
عراقچی دووپات کرد کە زەرەدەیل گەورەیگ لە ئەنجام گورز ئەمریکا - ئیسرائیل وە دامەزراوەیل ئەتۆمی ئیران رەسیە، وەلێ دووپاتیش کرد کە ئیران واز لە توخمەکردن ئۆرانیۆم نیارێد.
عراقچی لە چەوپیکەفتنیگ وەرد فۆکس نیوز وت: دامەزراوەیل ئەتۆمی ئیمە ویران کریان و زەرەدەیل گەورەیگ وەپییان رەسیە، و هیمان بڕ زەرەدەیل هاژیر هەڵسەنگاندن لەلایەن دەسەی وزەی ئەتۆمی ئیران، وەلێ وەگورەی ئاگا و زانستن من زەرەد گەورەیگ وەپییان رەسیە.
وەزیر دەیشت ئیران وتیش: نیەزانم چە وە پیکاتەیل ئەتۆمی و ئەو ئورانیۆمە هات کە توخمە کریاس چوینکە دەسەی وزەی ئەتۆمی ئیران ئەو رەفتار وەگەرد ئی کارە کەێد، و ئیرنگە هانە هەڵسەنگاندن.
لەباوەت چالاکی توخمەکردن ئۆرانیۆم، عراقچی وت: لەی وەختە توخمەکردن وسیاس لەوەر ئەو زەرەدە کە رەسیە دامەزراوەیل ئەتۆمی، دووپاتیش کرد کە ئیران واز لە بەرنامەی ئەتۆمیی نیارێد.