شەفەق نيوز/ دۆناڵد ترەمپ سەرۆک ئەمریکا، شەفەق ئمڕوو سێشەممە، رەسین ئەرا رێککەفتن تەواویگ ناوەین ئیسرائیل و ئیران ئەرا وسانن جەنگ ناوەین هەردوگڵا راگەیان، وە مەرجیگ دویای 6 ساعەت دەسوەپی بکەێد.

 ترەمپ لە بەیاننامەیگ وت: پیرووزە وە گشتی، رێککەفتن وەشیوەی تەواویگ ناوەین ئیسرائیل و ئیران کریا کە ئاگربەسی تەواو و گشتگیر لە ماوەی 6 ساعەت بوود، ئەوەیش دویای ئەوە کە ئیسرائیل و ئیران بڕەسنە ئەرکەیل کۆتایی ئیسەیان لە ماوەی 12 ساعەت.

وتیش: لەی خاڵەو جەنگەگە وەفەرمی تەواوی بویە، و ئیران دەسوە ئاگربەسی کەێد، و لە ساعەت 12 ئیسرائیل ئاگربەسی جیوەجی کەێد، و لە ساعەت 24 جیهان پیشوازی وە کۆتاێێ فەرمی جەنگ 12 رووژە کەێد.

دیاری کرد کە لە گشت ئاگربەسییگ، ئەو لایەن هەر ئاشتەوایی و رێزدار مینێد، کە گشت چشتیگ وەشیوەیگ گونجیاگ وەڕیەو چوود، ئەوەسە کە بوود، خوازم پیرووزبایی لە دوو وڵات ئیسرائیل و ئیران بکەم ئەرا توانایان لە خوەیڕاگری و ئازایی و زیرەکی ئەرا کۆتایی جەنگ 12 رووژ.

 وتیش: ئی جەنگە شایەت تا چەن ساڵیگ وەردەوام بویاتاد، و خوەرهەڵات ناوڕاس وەگشتی ویران بکردیاد، وەلێ ئەوە نەوی، و قەت ئەوەیش نیمەیمن، خودا ئیسرائیل پیرووز بکەێد، و ئێرانیش پیرووز بکەێد، و ئەمریکایش پیرووز بکەێد، و جیهانیش پیرووز بکەێد.