شەفەق نیوز- واشنتۆن 

دۆناڵد ترەمپ سەرۆک ئەمریکی تەنگەی هورمز خستە ناو لیست هەرێمەیل ئەمریکی، لە پۆستیگ نوو لەبان سەکوو "تروس سۆشاڵ"، لە شان پۆرتۆریکۆ و گوام و ناوچەیل ترەک کە کەفنە ژیر سەروەری ئەمریکی.

جی باسە کە ترەمپ، لە 18ی ئاب/ ئۆگۆست ئیسە، نەخشەیگ بڵاو کردۊد کە شوین تەنگەی هورمز دیاری کەێد و دەسەواژەی "هەرێمیگ ئەمریکی نوو" هەڵگردۊد.

هەمیش لە وتاریگ لەناو ئەکادیمیایگ ئەرا پولیس لە ویلایەت نیویۆرک وت کە تەنگەگە چۊ هەرێمیگ سەروە ویلایەتە یەکگرتگەیل راگەیەنێد دۊای "تەواوبۊن لە شکانن ئیران".

 هەمیش وت: "ئیە ئەوەگ لە بنەڕەت هەس، ئیمە گەمارۆ چەسپنیمن و هیچ کەشتییگ رەد نیەوود مەگەر ئەوەگ ئیمە بخوازیمن".

فەرماندەی فەرماندەیی ناوەندی ئەمریکی "سێنتکۆم"، ئەدمیراڵ براد کوپەر، شەوەکی ئمڕوو جمعە، خەوەردا کە هیزەیل ئەمریکی سەرکەفتن لە لاداین ئەو مینە دەریاییەیلە کە سوپای پاسداران ئیرانی لە رێڕەوەیل دەریاوانی ناودەوڵەتی لە تەنگەی هورمز چنینە.