شەفق نيوز- تایوان 

شۆ جۆنگ تای سەرۆک وەزیرەیل تایوان، کوشیان سێ کەس و زەخمداری پەنج کەس ترەک راگەیان، لە دویای پەلاماریگ وە بومب دویکەڵ و چەقووکیشان لە تایبیه.

دیاری کرد کە کابرایگ بومب دویکەڵ لە ویستگەی قەتار سەرەکی لە شارەگە وەشانیە، ئیجا وەرەو ویستگەی میترو چگە کە نزیکە لە بازاڕیگ و پەلامار مەردم وە چەقوو داگە، وەگورەی ئاژانس رۆیتەرز.

 دووپات کرد کە پولیس کەفتیەسە شوین تاوانکارەگە و لەبان بینایگ کەفتیەسە خوارەو و مردگە.

لە قسەیلی ئەرا رووژنامەنویسەیل وتیش: تاوانکارەگە بیست تاوانی دیرێد، و ئەوەسا لێکولینەوە لە پەیوەندیەیلی کەیمن ئەرا فامستن و رەسین وە بندروس و مدووەیل ئەو پەلامارە.