شەفەق نیوز - وەدۊاچگن

لێکۆڵینەوەیگ نوو ئاشکرا کرد کە ئەو شەپۆلەیل گەرمای پەیمانەییە کە ئەوروپا لە ماوەی تاوسان گوزەشتە وەخوەیەو دی بەشداری کرد لە گیانلەدەسداین فرەتر لە 50 هەزار کەس.

 وەپەی لێکۆڵینەوەیگ لە گۆڤار "نەیچەر هێڵس"، توێژەرەیل گیانلەدەسداینەیل پەیوەندیدار وە گەرما وەپەی چینەیل تەمەن جیاجیا لە 854 شار ئەوروپی لە ماوەی شەپۆلەیل گەرما دووارەبۊەیل لە یۆنیۆ / حوزەیران، و یۆلیۆ / تەموز و ئۆگۆستۆس / ئاب دانان، و پەیا کردن کە 50 هەزار و 391 کەس گیان لەدەس دانە وە مدوو پلەیل گەرمای بەرز، و لەناویانیش، 32 هەزار و 619 کەس گیان لەدەس دانە وە مدوو گەرمای زیایە کە لە سزانن خەڵوز و نەفت و گاز پەیا بۊە.

 ئی شمارە وە رێژەی 71% لە ئامار کوشندەترین تاوسان توومارکریاگ لە ساڵ 2022 وە 29480 گیانلەدەسداین رەد کەێد، وەپەی لێکۆڵینەوەیگ کە توێژەرەیل خوەیان ئامادەی کردنە لە وەختیگ گوزەشتە لەی مانگە ئەرا وەدۊاکەفتن گیانلەدەسداینەیل پەیوەندیدار وە گەرمای تاوسان لەو شارە ئەوروپییەیلە.

 دانەرەیل لێکۆڵینەوەگە دەسنشان ئەرا ئەوە کردن کە ئی شمارەیلە کەمتر لە راسی دانریەن، لەوەر ئەوە کە شەپۆل گەرمای کوشندە لە مایۆ نیەگرنە خوەی، و تەنیا کورتەو بوون لەبان گیانلەدەسداینەیل لە 854 شار کە نزیکەی 40% لە دانیشتگەیل ئەوروپا پێک تیەرن.

 لێکۆڵینەوەگە ئاشکرا کرد کە لەناو ئی 50 هەزار کەسە، فرەتر لە 32 هەزار کەس گیان لەدەس دانە وە مدوو گەرمای زیایە کە لە ئاڵشتکاری کەشوهەوا پەیا بۊە کە مرۆڤ هیشتیەسەی.

 دەسنشان ئەرا ئەوە کرد کە ئیتالیا و فەرەنسا و ئیسپانیا و ئەڵمانیا بەرزترین شمارەیل ئەرا گیانلەدەسداینەیل توومار کردن، و لەناو گشت پایتەختە ئەوروپییەیل، رۆما بەرزترین بڕ گشتی ئەرا گیانلەدەسداینەیل کە لە گەرما دروس بۊنە لە ساڵ 2000 تا ساڵ 2025 توومار کرد، وەپەی لێکۆڵینەوەی تیمەگە کە لە وەختیگ وەرین لەی مانگە دەرچگە.