شەفەق نیوز/ خانمیگ تەقە لەبان خانم کراکاریگ لە چێشتخانەی  "ماكدونالدز" کرد، ئەوەیش دۊیای مرافەیگ لەبان نرخ پەتاتەی برشیاگ.   

دەسەڵاتەیلە توومەتیگ تاوانی لەبان تیریکا کلای ٣٠ ساڵان توومار کرد، لەو رووداوە ک لە سانت لویس لە ویلایەت میسوری بۊی.       

کلای توومەتبار کریا وە پەلامار پلەی یەکەم،  و کردەوەی تاوان چەکدار، دۊیای ئەوە ک تەقە لە خانمە فەرمانبەریگ نەناسریاگ کرد، لەوەر مرافەیگ لەباوەت نرخ پەتاتەی برشیاگ.  

کارەگە دەسوەپی کرد هەنای کلای لەناو ماشینەگەی خوەیەو قسە وەگەرد قوربانیەگە کرد ک کار لە پەنجەرەی چێشتخانەگە کەێد،  و خواردن ئەرا کەسەیل ناو ماشین فرووشێد، و بەڵگەیل دادگا باس ئەوە کردن ک بسینەگە هەڕەشەی تەقەکردن لە قوربانیەگە دا.  

دۊای ئەوە، خانمە کراکارەگە دەرچگە دەیشت چێشتخانەگە تا هوچانیگ بوەێد، و ئی خانمە دەس لەلی وەشان و تەقەیش لەلی کرد، و ئەو کردەوە لە کامیرایلە نشان دریا.  

خانمە کراکارەگە لەوەر زوخمەیلی رەسیە خەسەخانە،  و کلای دەسگیر کریا.