ئەو شەش توومەتبارە، کە ژن و کوڕەیل پیاوەگەن، وە توومەت کوشتن و شکەنجەدان باوگیان و خستن تەرمەگەی لەناو دیواریگ کۆنکریت لە ناوچەی تەنجە لە ساڵ ٢٠١٨ دادکاری کریەن.

لە لێکۆڵینەوە وەگەرد ژن قوربانیەگە و کوڕە گەورەگەی لە باوتەیگ پەیوەندی وە هووشبەرەیل دیرێد، چەواشەکاری لەناو قسەیلیان بویە، و دەسەڵاتەیل کەفتنەسە فتراق بیسەروشوینی پیاوەگە وە شیوەیگ نادیار، کە یە ٦ ساڵە دیاری نییە.

سایت "le 360" مەغریبی وت: لە لێکۆڵینەوە ئاشکرا بوی کە ژنەگە وەگەرد کوڕە گەورەگەی تاوانەگە جیوەجی کردنە، کە لەو وەختە دوو کوڕی هیمان ناخاڵە بوینە.

دیاری کرد کە ئاشکرایش بویە کە کوڕ و داڵگەگە وەرد ئەو دوو کوڕەگە دەسیان لەناو شکەنجەدان باوگیان بویە، و دویای کوشتنی وەشیوەیگ دڵتەزن، تەرمەگەی بخەنە ناو ناوماڵە، ئیجا وە ماشین ئەرا ماڵیگ ترەک بردنەسەی. 

وتیش: دویای ئەوە تەرم پیاوەگە خستنەسە ناو دیواریگ و کۆنکریت کردنەسە بانی تا بشارنەوەی.