شەفەق نیوز/ لە تاوان دڵتەزنیگ، پیاویگ سوری برا و براژن و دوو برازای خوەی کوشت، و دویەت براگەی زەخمدار کرد، ئیجا گولە لەخوەی دا.

وەزارەت ناوخوەی سوریا لە بەیاننامەیگ وت: ئاگاداری ئەرا پولیس ناحیەی خربەت مەعەزە لە تەرتوس رەسی ک لەناو یەکیگ لە ریەیل ئاوای منیەت یەحمور تەقە بویە، و کوشیان و زەخمداری کەفتیە.

وەزارەتەگە وتیش: پولیس رەسیە ناوچەگە و دەرکەفت ک کابرایگ وەناو (هەیسەم،م) تەقە لە براگەی (عەلی،م) و براژنی (ئەمەل،ق) و برازایلی (قەیسەر، و بەحر، و نورولهودا) کردیە، ک گشتیان کوشیانە و دویەتەگیش زەخمدارە، ئیجا تەقە لە خوەییش کردیە، ئەوەیش لەوەر مرافەیگ خیزانی لەبان چنین بەر زەیتوون.

بەیاننامەگە وتیش: بکوشەگە و دویەت براگەی زەخمدارن و رەسینە خەسخانە، و کوشیاگەیل ئەرا پزشک دادوەری کلکریان، و لێکۆڵینەوە وەردەوامە.