وەزارەت ناوخوەیی سوریا لە بەیاننامەیگ وت: کابرایگ وەناو حەسەن جەدعو دوو دویەت خوەی لە ناوچەی تەل شغیب لە حەلەب کوشتیە، و لە دەورگرد ماڵەگە وەخاکیان کردگە.
هەناێ پولیس رەسیە شوین رویداوەگە، و مەوقەی رەسینی ئەرا ماڵەگە، باوگەگە دوو دویەت خوەی (هیبە و حەلا) گیر هاورد، و بومبیگ گردە دەس، و هەڕەشەی تەقانی دا، ئەگەر نزیکی بکەفن.
باوگەگە، سێ بومبیش ئەرا پولیس وەشان تا لەدەسیان بواێد، و یەکیگ لەنزیک خوەی تەقیەو، و خوەی و دوو دویەتەگەی وەگەرد دوو ئەفسەر زەخمدار کرد.
وتیش؛ گشتیان بریانە خەسەخانە، و دویای چەن ساعەتیگ باوگەگە مرد.
دویای وەشکین ماڵەگە، تەرم یەکەم دویەتەگە وەناو سیدرا لە تەمەن ١٤ ساڵان لە پشت ماڵەگە پەیا کریا، و ئەو دویەتەگەی وەناو (نورا) لەداڵگبوی ٢٠٠٨، ئەرا پولیس وت: باوگی سیدرای خوەشکی کوشتیە، دویای دەسدرویژکردن لەبانی، و وە ئامادەبوین باوەژنیان لە پشت ماڵەگە نادەی خاک.
لە لێکۆڵینەوە و وەگەرد قسەیل ئەو مناڵە، دەرکەفت ک باوگەگە دویای ماوەیگ ئەو دویەتەگە وەناو لەمیس لە تەمەن ١٣ ساڵانیش کوشتگە، و لاشەگەی سزانیە، و فڕەی دایە شوینیگ لەو ناوە، ئەوەیش وە ئامادەبوین زڕبرایان وەناو عەبدو لەداڵگبوی ساڵ ٢٠٠٧.
ئیجا باوەژن قوربانیەیل وەناو (هەتا) دەسگیر کریا، و هەمیش ئەو زڕبرایانە وەناو عەبدو دەسگیر کریا، و هیمان لێکۆڵینەوە ئەرا رەسین وە بندروس تاوانەگە وەردەوامە.