شەفەق نیوز - تاران / تەل ئەبیب
میدیایەیل راگەیانن فەرمی ئیران، ئمڕوو جمعە، راگەیانن ک هیزە چەکدارەیل شەپۆلیگ مووشەکی نوو وەرەو خاک ئیسرائیل وەشانن، وەگەرد هەڵکشای تونی ئۆپەراسیۆنە سەربازییەیل لە ناوچەی خوەرهەڵات ناوەڕاس.
لە ناو یەیش، سوپای ئیسرائیل دووپات کرد ک روانگەی وەشیان مووشەکەیل لە ناو ئیرانەو وەرەو قویلایی وڵاتەگە کریاس، و دووپاتیش کرد ک سیستەمەیل وەرگری ئاسمانی لە ئی وەختە پەسا نواگیری کەن وە خوارەو خەن.
هەرلیوا، میدیایەیل عیبری باس لەوە کردن ک دەنگ رممەیل لەشوینیەک لە ناوەڕاس ئیسرائیل ژنەفیا، وتنیش بەشیگ لەو مووشەکەیلە ک لە ئیرانەو هاتیوین، "بووڵدار" بۊە.
وەو هووکارە، دەسەڵاتدارەیل ئیسرائیل داوا لە دانیشتگەیل ئەو ناوچەیلە کردن ئامانج گیریان ک زۊوەزۊ وەرەو پەناگەیل بچن و پابەن بوون وە ێینمایییە ئەمنییەیل ک لە لایەن فەرماندەیی بەرەی ناوخۆ دەرکەن.