شەفەق نیوز - تاران

هێز دەریایی ئیرانی، رووژ دووشەممە، راگەیان لە هەڵسیان ئاگر لە سێیەمین کەشتی نەفتهەڵگر لە تەنگەی هورمز، لە ماوەی 24 ساعەت.

هێزەگە لە بەیاننامەیگ کە میدیایەیل راگەیانن ئیرانی بڵاوی کردن وت: "وەرجە کەمیگ، کەشتییگ نەفتهەڵگر سەرپێچیکار لە خوەرهەڵات تەنگەی هورمز، کە دەریاوانی لەڕی رێڕەویگ ریپینەیریاگ وەرد وسانن کارپیکردن سیستەمەیل دەریاوانییەگەی کرد، کەفتە وەر تەقینەوەی مینیگ دەریایی، کە بۊە هووکار هەڵسیان ئاگر لەناوی".

دیاری کرد "ئی کەشتییە وە سێیەمین کەشتی لە جۊر خوەی هەژمار کریەێد کە وەرکەفێدە رۊداویگ هاوشیوە لە ماوەی 24 سەعات گوزەشتە، وە شیوەیگ کە ئاگر لەناوی هەڵسیا و لە جۊلە وسیا دۊای دایینی وە مینیگ دەریایی لە خوەرهەڵات تەنگەی هورمز".