لە بەیانامەیگ رەسیە ئاژانس شەفەق نیوز وت، کەرتەیل ئەمنیمان پلان تایوەت وە کلکردن حاجیەیل ئەرا ماڵ پیرۆز تەواوکردن، وتیش لە سەرەتای دەسوەپیکردن کلکردن هشکایی لە 18 ئایار 2024ەو کەرتەیلە وەبان ری و ناوچە بیاوانیەیل بڵاوکریانە وە درویژایی سەدان کیلومەتر.
دووپاتکرد کلکردن (20855) حاجی لەری هشکایی مسۆگەرکریاس و کۆتایی وە پرۆسەی کلکردن هشکایی هاتیە، لە 2 حوزەیران، ئەرکەیل کلکردن ئاسمانیش دویەکە چوارشەممە 4 حوزەیران کۆتایی هات لەری هەماهەنگی وەردەوام وەگەردئیدارەیل فرۆکەیلە و دەسڵاتدارەیل فرۆکەوانی مەدەنی.
ئاشکەرایکرد شمارەی ئەو حاجیەیلە لەری فرۆکەخانەیل کلکریانە (18736) حاجیە و شمارەی حاجیەیل هشکایی و ئاسمانی رەسێدە، (39591)، دیاریکرد هێزە ئەمنیەیل تەقەلای فرەیگ دانە ئەرا ئاسانکاریکردن و پیشکەشکردن خزمەتگوزاری و وەشیوەی بی وینەیگ وە هەماهەنگی وەگەرد دەسەی حەج و عومرە.
لە بەیانامەگە وتیش، ئۆپراسیۆن هاوبەشیگ هەس ئەرا دانان پلانیگ تەواوکەر لە جیوەجیکردن قۆناغ دویەم مەوقەی گلەوخواردنیانو تەواکردن رێوڕەسمەیل حەج.