شەفەق نیوز- بانکوک

دەسەڵاتەیل تایلەندی، ئمڕوو جومعە، راگەیانن کە مامووستایگ گیان لە دەس دا و چەن کەسیگیش زەخمدار بۊن وە دەس خوەنەواریگ کە تەقە لەناو مەکتەویگ کرد، وەرجە ئەوەگ خوەی بکوشێد.

ئاژانس "فرانس پرێس" لە راگەیانن ناوخۆیی وت کە دوو کەس کوشیانە و 15 زەخمدار هەن لەو رۊداوە کە مەکتەویگ لە باکوور بانکوک وەخوەی دی.

لێفتنانت کۆلۆنێل دیشرابی کۆنجدی فەرماندەی پولیس کەرت نونثابوری دووپات کرد کە گومانلیکرییاگ لە رۊداوەگە خوەی کوشتیە، هەمیش وت کە لە ناوەین زەخمدارەیل مامووستایگ و خوەنەوارەیلیگ هەن.

هەرلیوا ئێزگەی "تای بی بی ئێس" دیاری کرد کە "رۊداو تەقەکردنەگە لە مەکتەویگ ئامادەیی ناسریاگ لە ناوچەی بانغ کروی لە کەرت نونثابوری رۊ داگە".

لە لای خوەییشەو، لێفتنانت کۆلۆنێل باساكۆرن تشیتاویونغ، سەرۆک بەش پولیس ناوچەی پلای بانغ لاوەکی ئەرا "رۆیتەرز" وت کە شمارەی کوشیاگەیل هێمان نادیارە.

 پولیس ناسنامەی تاوانبارەگە دیاری کرد کە خوەنەواریگە بی ئاشکراکردن هۊردەکاری فرەتر، ئەوەسە کە تەقەکەرەگە وە هەرزەکاریگ تەمەن 14 یا 15 ساڵان وەسف کریاگە، و یەیش وەپای میدیایەیل راگەیانن ناوخۆیی.