شەفەق نیوز/ لە کردەوەیل نوو تاڵیبان ک لە ناوڕاس ئاب گوزەیشتە دەسناسە بأن ئەفغانستان،  بزووتنەوە توندڕەوەگە، فەرمانەیلیگ داگە سەرتاشکارەیل. 

وەگورەی ئەو یادداشت نووە لەلایەن وەرپرسەیل بزووتنەوەگە لە گەرت هەڵەمەند لە باشوور وڵاتەگە خ قەغەی سەتاشکارەیلە لە ریشتاشی، و وەکارخستن مۆسیقا لەناو دوکانەیلە لە مەوقەی کارکردن کریا. 

دەسەڵاتیلەیل خۆجێیی لەو ناوچەی باشووریە، لە بەیاننامەیگ بڵاوی کریا بأن دوکانەیل سەرتاشی، وەگورەی میدیایل راگەیانن خۆجێیی؛ ک لە ئمڕوو ئەوبانخ ریشتاشی و مۆسیقا لە ساڵۆنەیل سەرتاشی یا حەمامەیل گشتی وە یەکجار قەیەغەس.  

هەمیش نوقڵانە وە سزادان پێشەلکارەیل وە کوتپڕ دریاخ وتیش؛ و ئەوانە ئەرایان نییە سکاڵا توومار بکەن. 

ئی فەرمانە لەناو زنجیرەی ریکارەیلیگ تیاێد ک بزووتنەوەگە وەی دۊیاییە چەسپانەیان، ک سایەڵ گوزەیشتە هاوردەو،  هەنای لە سەردەم نەوەتەیلە حکومڕانی وڵاتەگە کرد، و ئەفغانستان وە مشتیگ ئاسنین گرد، و یاسایل توندڕەو خوەی جیوەجی کرد. 

وەربرسەیل بزووتنەوەگە باس ئەگەر نەرمکرەن سیاسەتی کرد، باوجی کردەوەیل راسییان ئەوە نێۊشێد.