شەفەق نیوز ـ کۆنگۆ

پەتای ئیبۆلا لە کۆما دیموکرات کۆنگۆ رەسیە قۆناغ رخداریگ و شمارەی گیان لەدەسدان وە ڤایرۆسەگە 4000 کەس رەدکرد، یەیش وە کووشندەترین شەپوول ڤایرۆسەگە دانریەێد لە وڵاتەگە.

بارودۆخ تەندروسی لە کۆمار دیموکرات کۆنگۆ وە تەواوی لە کۆنترۆل دەرچگە، دویای ئەوەگ شمارەی تویشهاتن وە  پەتای ئیبۆلا 8300 کەس رەدکرد و لەو شمارەش زیاتر لە 4000 کەس گیان لەدەسدایە. 

وەپای راگەیانن فەرمیەیل تەندروسی کۆنگۆ لە کوو گشتی تویشهاتگەیل تا ئیرنگە  4018 کەس مردنە و تەنیا 2162 کەس خاسەوبوینە.

لەهەمان وەخت رێکخریاگ تەندروسی جیهانی و ئاژانسەیل تەندروسی سەر وە  یەکێتی ئەفریقا هووشداری دەن بڕ  کارەساتەگە لە قەیران ساڵ 2014ـی خەرئاوای ئەفریقا زیاتر بوود، کە  11000 کەس وە پەتاگە گیان  لەدەسداوین.