شەفەق نيوز/ لەوەر داوای کۆمسیۆن باڵای هەڵبژاردن عراق، یەکێتی ئەوروپا بڕیار دا شاندیگ ئەرا چەودیریکردن هەڵبژاردن پەرلەمانی کل بکەێد، ک بڕیارە لە تەشرینی ئایندە ئەنجام بیریەێد.

نووسینگەی جوزێب بوڕێڵ نۆێنەر باڵای سیاسەت دەشتەکی و ئەمنی لە یەکێتی ئەوروپا، ئمڕوو دووشەممە لە بەیاننامەیگ وت : شاند چەودیریکردنیگ ئەوروپایی ئەوەسا چەودیری هەڵبژاردن هاتگ لە عراق کەێد.

بەیاننامەگە دیاری کرد ک کلکردن شاندەگە لەوەر داوای کۆمسیۆن باڵای سەربەخویی هەڵبژاردن عراق تیەێد.

هەمیش باس داناین خانمە پەرلەمانتار ئەوروپایی فيولا فۆن کرامون جۊر سەرۆک ئەو شاندە کرد.