شەفەق نيوز/ ئاژانس خەوەری فەرەنسا، ئمڕوو سێشەممە، خەوەردا کە یەکێتی ئەوروپا رەزامەنی دا لەبان هەڵگردن گشت سزایەیل لەبان سوریا.

وەرجەیە، کایا کالاس خانمە وەرپرس سیاسەت دەرەکی لە یەکێتی ئەوروپا باس ئومیدی کرد کە وەزیرەیل دەیشت یەکێتی ئەوروپا لە دانیشتن ئمڕوویان لە برۆکسل بڕەسنە رێککەفتن لەبان هەڵگردن سزایەیل ئابووری لەبان سوریا.

 رۆیتەرز لە زوان کالاس وت: دیار ئیمە خوازیمن دەرفەت کار و شیوەی ژیانگوزەرانی ئەرا گەل سوریا بوود نا بوودە دەوڵەتیگ ئارامتر.

وەرپرسەیل دووپات کردن کە وەزیرەیل ئەوروپا نووڕنە بڕیاریگ سیاسی وە هەڵگردن سزایەیل ئابووری وەکارم مەنین سزایەیل لەبان رژیم ئەسەد، و جیوەجیکردن ریکارەیل دژوە ئەوانگ مافەیل مرۆڤ شکنن.

لە 24 شوبات گوزەشتە، یەکێتی ئەوروپا وسانن بەشیگ لەو سزایەیلە راگەیان کە لەبان سوریا چەسپبان لە سای رژیم لەناودریای پەیوەندی وە کەرت بانکەیل و وزە و گواستنەوە دیرن.