شەفەق نیوز ـ تەهران

تەلەفزیۆن ئیران، ئمڕوو شەممە، راگەیان  تانکەرە نەفتیە ئێرانیەیل کەفتنە ئامانج پەلامار ئەمریکا.

لە خەوەریگ تەلەفزیۆنی ئیران هاتگە: پەلامار ئەمریکاییەیل دوو تانکەر لە جاسک کردە ئامانج، یەکیان چووڵ بویئەوەگ ترەک باری نەفت بوی.

 هەمیش راگەیان  تانکەریگ تریش لە دەوروگەرد دوورگەی خارگ کەفتە وەر  پەلامار، بی ئەوەگ زەرەر گیانی لێ بکەفێد، و پشڕاسی کرد  ئەمریکا پەلامار 3 تانکەر نەفت ئیرانی لە کەنداو و دەریای عومان دا.

کەمیگ وەرجە ئیسە، هێزەیل فەرماندەیی ناوەندیی ئەمریکا "سەنتکۆم"، ئمڕوو شەممە، راگەیان  سێ تانکەر نەفت خام ئیرانی کردیەسە ئامانج، دویای ئەوەگ هێز پاسداران شۆڕش ئیسلامی ئیران مووشەک بالیستی وەرە دوو کەشتی سەر وە ئەمریکا وشان.

"سەنتکۆم" لە بەیاننامەیگ رەسیە ئاژانس شەفەق نیوز، وت: "فڕۆکەهەڵگریگ ئەمریکایی و دەستەیگ مووشەک‌ وشن ئاڕاستەکریاگ توەنست وەراوبوی  چەندین پەلامار ئیرانی بوود "، و پشتڕاسی کرد  هویچ کام لە کارمەنە ئەمریکاییەیل زەخمدار نەوین.