شەفەق نيوز/ عەباس عراقچی وەزیر دەیشت ئیران، نیاز ئاڵشتکردن ناو کەنداو لە فارسی ئەرا عەرەبی وەلایەن دۆناڵد ترەمپ سەرۆک ئەمریکا وە سووکایەتیکردن وە گشت ئیرانیەیل دادە قەڵەم. 

عراقچی لە بەیاننامەی وەڵامدانیگ لەبان ئەو خەوەرەیلە کە باس نیاز ئاشڵشتکردن ناو کەنداو کەن وەلایەن ترەمپ مەوقەی سەردانکردن سعودیە وت: مدووەیل سیاسی ئەرا ئاڵشتکردن ناو میژووی کەنداو فارس نشان نیاز دوژمنایەتی دژوە ئیران و گەلی دەێد، کە کاریگە وە زبری نەفرەتکریایە.

 وتیش: ئیجویر کارەیلیگ لایەنگری سووکایەتی ئەرا گشت ئیرانیەیلە هەرچەگ پشتینەیان بوود یا لەهەرکوو نیشتەجی بوون.

وتیش: ناو خەلیج فارس حزیێ شمارەیگ لە ناوەیان جوگرافیا ریشەی قویل لە میژوو مرۆیی دیرێد، و ئیران ناڕەزایەتی نشان نەیا لەبان وەکارهاوردن ناوەیلیگ جویر دەریای عومان، یا زەریای هندی، یا دەریای عەرەب، یا دەریای سوور، وتیش: وەکارهاوردن ناو خاوەندارییەتی ئەرا ئەو دەوڵەتە نییە، وەلێ رێزگردن هاوبەشە ئەرا میراتی ئایەم. 

عراقچی باس نیاز خوەی کرد کە ئی شافەیل نارێکە لەبان ناو خەلیج فارس تەنیا دروویگ بوود لەلایەن کەسەیلیگ هەمیشە گاڵ ئەرا جەنگ کەن تا ئیرانیەیل لە گشت جیهان تویڕە بکەن.

ئاژانس ئەسوشييتد برس، لە ژوان وەرپرسەیلیگ ئەمنی وت: ترەمپ نیاز دیرێد لە سەردانی ئەرا سعودیە لە هەفتەی ئایندە، پشتبەسین وە ناو خەلیج عەرەبی لە جیای خەلیج فارس لەناو ئەمریکا راگەینێد.