شەفەق نیوز/ وەزارەت تەندروسی لوبنان، ئمڕوو شەممە، کوشیان ٤ کەس و زەخمداری ٢٣ کەس ترەک راگەیان لە ئەنجام گورز ئیسرائیل وەبان ناوچەی بستەت ئەلفوفا لە بەیروت.
فڕۆکەیل جەنگی ئیسرائیل چوار گورز وە مووشەک وەبان بینایگ نیشتەجییوین لە ناوڕاس بەیروت پایتەخت جیوەجی کردن.
زانیاریەیل باس ئەوە کردن کە سروشت گورزەگە وەبی هوشداری نشان دەێد کە ئەرا کوشتن کەسایەتییگ بویە، کە ویرانکاری فرەیگ لەو ناوچەی قەرەباڵغە دروس کرد، کە ٥ بینایی نیشتەجییوین وەتەواوی رمان.
شەفەق ئمڕوو شەممە، فڕۆکەوانی ئیسرائیل ٥ گورز وەبان زاحیەی باشوور بەیروت جیوەجی کرد، لەناویان حارەت حرێک و بئر عەبد و شیاح و غبیری و جادەی مسبەغە و دەوار شاتیلا، وەگورەی کەناڵ "الجديد" لوبنانی.
لەلای خوەییش، ئەفیخای ئەدرعی قسەکەر سوپای ئیسرائیل، ئمڕوو شەممە، داوا لە خەڵک ناوچەی زاحیەی باشوور و لە چەن بینایگ دیاریکریای لە ناوچەی حارەت حرێک و غبیری کرد چووڵیان بکەن تا پەلاماریان بەێد، وە دەسپیچگ وەکارهاوردنیان وەلایەن حزبوڵا.