شەفەق نیوز- جنێڤ

ریخریاگ تەندروسی جەهانی، ئمڕوو سێشەممە، ئاشکرای کۆنترۆڵنەکردنی لەبان بڵاوبۊن پەتای ئیبۆلا کرد، و دووپات کرد و وت "ئیمە دۊریمن لە کۆنترۆڵکردن پەتاگە لە کۆنگۆی دیموکرات".

وهەماهەنگکار ریخریاگ تەندروسی جەهانی تیێرنۆ باڵدی، دیاری کرد، کە "بیماریەگە هێمان بڵاو بوود وە شیوەیگ زۊتر لەو رێکارەیلە کە ئەرا کۆنترۆڵکردنی گیریانەسە وەر"، و دیاری کرد کە "پەتاگە وەڕاسی رەسیەسە پارێزگای شەشەم لە کۆماری کۆنگۆی دیموکرات".

لە وەختیگ دەسنشان ئەرا ئەوە کرد کە ریخریایەگە ئومێد دیرێد ئەرا کۆنترۆڵکردن پەتای ئیبۆلا لە کۆنگۆی دیموکرات مەوقەی 3 مانگ، وتیش: "هۊر کەمەو کە جیوەجیکردنی گونجیاگ بوود وە دابینبۊن سەرچەوە هەوەجەدارەیل".

 دۊکە دوشەممە، پەیمانگای نیشتمانی تەندروسی گشتی لە کۆمار کۆنگۆی دیموکرات خەوەردا کە بڵاوبۊن ئیبۆلا بۊەسە خۊناویترین لە میژوو وڵاتەگە، و وەپای دۊاترین داتایەیل، 2325 کەس گیان لەدەس دانە، و ڤایرۆسەگە لەلای 4945 کەس ترەک دەسنشان کریاگە.

 ریخریاگ تەندروسی جەهانی لە 17ی ئایار گوزەشتە دان وەپی ناۊد کە ئەو رەوشە کە گریەدریاگە وە بڵاوبۊن ئیبۆلا لە کۆمار کۆنگۆی دیموکرات و ئۆگەندا رەوشیگ پەلە دروس کەێد و رخدارییگ لەبان وڵاتەیل ترەک دیرێد.