شەفەق نیوز - وەۊاداچگن

تێدرۆس ئەدهانۆم گێبرێسۆس وەڕێوەبەر گشتی ریخریاگ تەندروسی جیهانی، ئمڕوو شەممە، وت: هەردوگ وەزارەت تەندروستی لە کۆنگۆ و ئۆگەندا، بڵاوەوبوین بیماری ئیبۆلا راگەیاننە دۊای چەسپانن تووشبوین وە ڤایرۆس بۆندیبۆگیۆ لە هەردوگ وڵاتەگە.

و وەڕێوەبەر گشتی ریخریاگ تەندروسی جیهانی لە 16ی ئایار / مایۆ 2026 بڕیار دا کە بیماری ئیبۆلا کە لە ئەنجام ڤایرۆس بۆندیبۆگیۆ لە کۆنگۆ و ئۆگەندا پەیا بوود، وە  فریاکەفتن تەندروسی گشتی خاوەن نیگەرانی ناودەوڵەتی هەژمار کریەێد، وەپای رینماییە تەندروسییە ناودەوڵەتییەیل.

 گێبرێسۆس دیاری کرد دا کە تا 21 ئایار / مایۆ، خەوەر دریاگە لە 750 بیمار گومانلیکریاگ، و 177 مردن لەناوەین بیمارە گومانلیکریاگەیل لە کۆنگۆ،  و خەوەر دریاگە لە 85 بیمار چەسپیاگ، کە دوو بیمار لەناویان لە ئۆگەنداس، و 10 مردن.

 ئۆگەندا خەوەردا لە دوو تویشهاتگ بی چەسپانن تویشبوین وە شیوەیگ ناوخۆیی، هەرلیوا، تویشبوین هاووڵاتییگ ئەمریکی چەسپیا کە لە کۆمار کۆنگۆی دیموکراتی کار کردیاد، و کل کریاس ئەرا ئەڵمانیا ئەرا وەرگردن چارەسەر، هەرلیوا، هاووڵاتییگ دۊەم ئەمریکی کە تیکەڵ وەگەرد بیمارەیل بویە تویش هاتگە.