قسەیل پوتین چەن ساعەتیگ دویای ئەوە هات کە ڕووسیا پەلامار فراوانیگ لەبان ئۆکرانیا وە مووشەک و فڕۆکەی بێفڕۆکەوان و دامەزراوەیل وزە لە گشت ئۆکرانیا کردە ئامانج.

 پوتین وت: ئیمە نووڕیمن کە لە وەی جویرە کاریگەری لەبان کەرت سەربازی-پیشەسازی ئۆکرانیا هەس، لە وەختیگ کرێملین پیشوازی لە هاوپەیمانەگەی، ئەلێکساندەر لوکاشینکۆ سەرۆک بیلاروسیا کرد.

 سەرۆک ڕووسیا وتیش: گورزەیل دویایین لە چوارچیوەی وەڵام ئۆکرانیا تیەێد کە دامەزراوە وزەیەیل ڕووسیا کردە ئامانج.

 هەمیش وت: “لەی دویاییە زنجیرەیگ پەلامار لەبان دامەزراوەیل وزە وەخوەمان دیمن ناچار بويمن وەڵام بيەیمن”، دووپاتیش کرد  مۆسکۆ خوەی لە وەئامانجگرتن دامەزراوەیل وزەی ئۆکرانیا لە وەرز زمسان دویر گرد “چوینکە نەخوازیمنە ناوەندە کۆمەڵایەتییەیل و خەسەخانەیل و هتد بیبەش بکەیمن لە کارەبا.”