بڕیان تەکنیکی جەهانی کاریگەری لەبان کارەیل وڵاتەیلیگ جیاجیا داشت لەوانە فڕۆکەخانەیل ئیسپانیا، کڕ ئاسمانی تورکیا، میدیایل ئوسترالیا و بانکەیل.

 دەسەڵات فڕۆکەوانی ئەمریکا داوا لە گشت گەشتە فڕۆکەیل کرد بنیشنەو لەوەر گیچەڵیگ کۆمپیوتەری.

یەیش دویای ئەوە کە کۆمپانیای مایکرۆسۆفت کەموکوڵییگ لە سیستەم گشتی جەهانی خوەی راگەیان، لە وەختیگ کۆمپانیای ئاسایشی ئەلیکترۆنی  "Crowdstrike" کەفتە کەموکوڵییگ تەکنیکی لە خزمەتگوزارییەیل لە ناوچە جیاجیایل جەهان.

 فڕۆکەخانەیل لە خزمەتگوزاری دەرچگن

 فڕۆکەخانەی بەرلین، ئمڕوو جمعە، وسیان کاروانەیل تا ساعەت ٠٨:٠٠ وەوەخت ناوەندی ڕاگەیان.

کۆمپانیای وەڕێوەبردن فڕۆکەخانەگە لە پۆستیگ لەبان پلاتفۆرمی ئێکس راگەیان کە لەوەر گیچەڵیگ تەکنیکی فڕۆکەخانەگە تویش دویاکەفتن توومارکردن سەرنشینەیل هات.

 هەرلیوا، ئمڕوو کڕ ئاسمانی تورکی راگەیان کە لەوەر گیچەڵیگ تەکنیکی جەهانی دەسپاچە بویە لە توومارکردن و وەرگردن سەرنشین و سیستەم دەرکردن بلیت.

کارکردن لە سیستم پزیشکی لە بەریتانیا لەوەر گیچەڵ لە سیستەم کارکردن وەسیا، بۆرسەی لەندەنیش پەیوەندی وەو بانک و کڕە ئاسمانییەیل کرد کە ئەو کیچەڵ تەکنیکییە راگەیان.

هەمیش کەناڵ سکای نیوز بەریتانی، ئمڕوو جمعە، پەخش ڕاستەوخۆی وسان.

دەیڤید ڕۆدس، وەڕێوەبەر جیوەجیکار سکای نیوز لەبان ئێکس وت: “سکای نیوز نەتوەنست ئی شەوەکیە تەلەفزیۆن ڕاستەوخۆ پەخش بکەێد و ئیرنگە تەماشاکەرەیل ئاگادار کەیمنەو کە داوای وەخشین کەیمن ئەرا بڕیانەگە”.