شەفەق نیوز- کەنداو

داتایەیل بارهەڵگری، ئمڕوو دوشەممە، نیشان دان کە 12 کەشتی کاڵای سەرەتایی لە سەرەتای هەفتەگە لە گەروو هورمز رەد بۊنە، وە کەمەوبۊن لە 35 کەشتی لە سەرەتای هەفتەی وەرجەتر، لە سای وەردەوامبۊن ئاڵووزی لە کەنداو وەرد مەنن رەوشەگە لە ناوەین ئەمریکا و ئیران وەشیوەی وسیاییگ.

جۊلەی دەریاوانی دیار لەڕی گەرووەگە کەمەو بۊ، کە وەرجە جەنگەگە رێڕەویگ بۊ ئەرا یەک لەپەنج دابینکردنەیل نەفت و غاز سروشتی تواوەی جەهان، ئەرا ئاستەیلیگ فرە دیاریکریاگ، وەلی بەرهەمهاورەیل لە خوەرهەڵات ناوڕاس وەردەوامن لە هەناردەکردن نەفت لەبان بارهەڵگرەیلیگ کە رەد بوون و ئامێرەیل کلکردن و وەرگردن بەسن.

داتایەیل سەرەتایی لە کۆمپانیای "کێپلەر" ئەرا شیەوکردنەیل نیشان دان کە 4 کەشتی تۊەنریەێد وەدۊاییان بچیگ، کە دوو بارهەڵگر لەناویانیە بەرهەمەیل نەفتی پاڵاوتی هەڵگردنە و دوو بارهەڵگر ئەرا کاڵایەیل و غاز، رووژ یەکشەممە لە گەرووەگە دەرچگنە، لە وەختیگ دوو بارهەڵگر نەفت بۊچگ چگنەسە ناو کەنداوەگە.

 داتایەیل نیشان دان کە 5 کەشتی رووژ شەممە لە کەنداوەگە دەرچگنە، کە بارکریانە وە بەرهەمەیل کشتوکاڵی و غاز نەفت و پەین، لە وەختیگ بارهەڵگریگ غاز گەپ چگەسە ناو، وەپەی "رۆیتەرز".

 وەرجە دەسوەپیکردن جەنگ ئەمریکی ئیسرائیلی وەرد ئیران لە 28 شوبات/ فێبرواری، گەرووەگە وە ئاسایی رووژانە نزیکەی 125 کەشتی بازرگانی گەورا لەتی رەد بۊان، کە بارهەڵگرەیل نەفت و بارهەڵگرەیل غاز و کەشتییەیل کاڵا و کەشتییەیل کۆنتێنەر لەخوەی گرد.