شەفەق نیوز- وەدۊاچگن

ئاژانس "رۆیتەرز"، رووژ چوارشەممە، خەوەردا لە ژنەفتن دەنگ تەقینەوەیگ لە شار زاهیدان ئیرانی، بی ئەوەگ مدووەیل ئاشکرا بوون.

لە وەختیگ ئاژانس "فارس" ئیرانی، لە زوان نووسینگەی فەرمانڕەوای شار زاهیدان وت کە لێکۆڵینەوە سەرەتاییەیل نیشان دەن کە ئەو دەنگ تەقینەوە کە لە نزیک بنکەی پۆلیس شمارە 19 لە زاهیدان ژنەفیاگە -لە دەورگرد جادەی "کۆماری"- لە ئەنجام تەقانن ئامێریگ دەنگی بۊە".

نویسینگەی فەرمانڕەوای زاهیدان دیاری کرد کە "رۊداوەگە هیچ زەرەدیگ لەلی نەکەفتگەسەو، و بابەتەگە لەژیر لێکۆڵینەوەس".

ئیران لە رەوش جەنگیگ وەرد ئەمریکا ژیەێد لە چەن مانگیگەو، لەژیر سای وەردەوامبۊن نواگیری و پەلامارە سەربازییەیل لە گەروو هورمز و فشارە ئابوورییە خەسەیل کە ئیدارەی سەرۆک ئەمریکی دۆناڵد ترەمپ چەسپنێد، لەوەخت هاودەم وەرد چەوەڕیکردن تاران ئەرا وەڵامیگ لەبان پیشنیارەیل یەکلاییکردنیگ گفتوگۆیی لەڕی ناوبژیوانەیلەو.