شەفەق نیوز/ دویەشەو چوارشەممە لەبان پەنجشەممە، تەقینەوەی قایمیگ لە نزیک فرۆکەخانەی تەشقند پایتەخت ئۆزبەکستان رویدا وەپای ئەوەگ دەزگایەیل راگەیانن وڵاتەگە خەوەردان، لەئاسیای ناوڕاس، دەسڵاتدارەیل تا ئیسە هویچ زانیارییگ لەباوەتی نەیانە.
پێگەی "نۆڤا 24" خەوەری لەزوانی شایەتحاڵەیل راگەیانیە لە ناو ئەمار گومرک لەنزیک فرۆکەخانەی تەشقند رویدایە.
ڤیدیۆیەیلیگ لەبان تووڕەیل کۆمەڵایەتی ڵاوکریاگە دریاری دەێد دویکەڵ و بولویزەی ئاگر وەرەو ئاسمان بەرزەوبوود تاریکایی شەو روشنەوکردیە.
لەلایگیش وەزارەت تەندروسی راگەیان ئاگرەگە لەناو ئەماریگ هیزگردیە و بویەسە مدوو زەخمداری و ئەرا خەسخانە بریایە.
وەزارەتەگە لەبان تلیگرام راگەیان" تا ئیسە هویچ زەخمداری سەختیگ لەناوەین زەخمدارەیلە نییە ".