شەفەق نیوز/ پارێزگار بەیروت، ئمڕوو دووشەممە، ئاشکراکرد ک ئامار کووشیاگەیل لە تەقینەوە گەپەگەی بەیروت، رووژ سێشەممەی گوزەیشتە لە ٢٠٠ کەس رەدکرد.

مەروان عەبود وت؛ بڕ فرەیگ لە کارەمەنە بیگانەگان و شۆفێر ترێلەگان هەیمان بیسەرو شوونن، و مەزەنە کەن لە تەقینەوەگە کووشیانە.

وهەزارانیگ تر زەخمداربوین، وهەمیش فرە کەس هیمان بیسەرو شوونن دویای تەقینەوەی ئەمارەگە ک دووهەزار تەن لە ئەمۆنۆم هاناوی.

سەدان هەزار لە لوبنانیەگان هانە ناو ماڵەیل رمیاگ، فرەیان وەبی پەنجەرەو دەر وئاو وکەهرەبا.

ئی زیانە وەهاووەخت دوویەم شەو لە روی وەڕویبوین ناونی پۆلیس و خۆپیشاندەرەیل دژوە حکومەتەگە تیەێد.

ئاژانسەیل نەتەوە یەکگرتوەگان هووشداریدان لە قەیرانیگ مرۆیی، ئەگەر وەکوتپڕ هاوکاری پزشکی وخواردەمەنی نەڕەسێدە لوبنان.

سوپای لوبنان کارەیل مینەکردن لە قوربانیەگان و رزگارکردن لە بەندەرەگە وسان.

ئمڕوو، بڕیگ لە ناڕەزاگان تەقەلا دان بچنە ناو بینای پەرلەمان، و کوچگ ئەرا هێزە ئەمنیەگان وەشانن، و ئەوان وە بومبەیل ئەسر رشن وەڵامیان دا.