سەرۆکایەتی داوای گشتی میسر لە بەیاننامەیگ ئاشکەرایکرد، لە ناوچە شوینەوارە میژوویەگان شار  ئەسوان لە کنەو و وشکنین نایاساییگ پەیکەر رەمسیس دوییەم پەیاکریاس ک سێ مەتر بەرزە کیشەگەی رەسێدە 10 تەن.

لە بەیاننامەگە دیاریکرد؛ سێ کەس وە توومەت تەقەلای دزیکردن پەیکەرەگە دەسگیرکریانە وە لایەن پۆلیس، و دەسنریایە وەبان چشتەیل  وەشکین و گواستنەوەی قورسایی.

قاچاخکردن وە شوینەوارە میژوویەیل لە میسر فرە بەربڵاوە، وەپای زانیاریەیل فەرمی لە 10 ساڵ گوزەشتە 29 هەزار و  300 پارچە ئەرا میسر گلەودریایە ک لە گوزەشتە وە شیوەی قاچاخ بریایە ئەرا دەیشت میسر.