شەفەق نيوز/ ئاسمان شار بیستەر لە "ئۆكسفۆرد شايەر" لە بەریتانیا بویە  هەوریگ لە دویکەڵ سیا، دویای هیزگردن ئاگر لەناو سەربازگەیگ ئاسمانی وەرین.

وەقسەی وەچەودیەیل، دەنگ رممەی تەقیان ناوچەگە لەرزان، و دەیان تیم وەرگری شارستانی و رزگارکردن رەسینە شوینەگە، وەتەقەلای کپەوکردن بڵویزەی ئاگرەگە.

 دەسەڵاتەیل بەریتانیا، هوشداری دادە مەردم ئەو ناوچەیلە تا لەناو ماڵەیلیان بمینن، و پەنجەرەیل سفت بوەسن، وتنیش؛ ئاگرەگە رویداویگ رخبەرە، و هیمان وەردەوامە لە سەربازگەی "بيسەتر میوشن"، کە بنکەیگ ناودسارە زیاتر لە 50 کۆمپانیای دووارە خاسەوکردن ماشینەیل کلاسیک و تەکنیکەیل ئەندازیاری پیشکەفتگ هاناوی.

 سام هولاند، ئەندام ئەنجومەن ناوخوەیی وت: ئەو شوینە کە سزیاس بەشیگە لە سەربازگەیگ میژووی هن چەم ئاسمانی شاهی، و دووارە خریا کار جویر شوینیگ ئەرا تیکەڵکردن ناوەین میراتی میکانیکی و فڕۆکەوانی.

 هیمان لێکۆڵینەوە ئەرا رەسین وە بندروس رویداوەگە وەردەوامە، وەگەرد ئامادەباشی و نیگەرانی لە ناوچەگە، وەگورەی سەرچەوەیل بەریتانی.