شەفەق نیوز ـ سۆفیا

دەزگا راگەیاننەیل بولگاریا، ئمڕوو شەممە، خەوەردان لە تەقیان ئەماریگ سەر وە کۆمپانیای "ئێمکۆ" تایوەت وە دروسکردن و بازرگانیکردن وەچەک و تەقەمەنی لە ناوچەی "تساريفا ليفادا" لە ناوەڕاس وڵاتەگە.

ئاگرەگە لەناو ئەمارەگە کە کەفێدە "گۆرنی ڤابرشتا" لە ناوەین شارۆچکەیل تریافنا و تساریڤا ليفادا، نزیک ساعەت 11:20ـی دویەشەو جومعە هیزگردیە وەرجە ئەوەگ زنجیرە تەقینەوەیلیگ لەدویای باد لویزەی ئاگر و دویکەڵ لە دویرەو دیریابوی.

وەرپرسیگ لە کۆمپانیای "ئێمکۆ" دووپاتکرد ئەمارەگە لە تەقەمەنی و باروت پێکهاتیە، دیاریکرد رخداری لەبان کراکارەیل نییە، و لە هەمان وەخت دەسەلاتدارەیل ناوخوەیی لە ساعەتەیل یەکەم رویداوەگە راپۆرت لەبان مردن یا زەخمداری نەدانە.

دەسەلاتدارەیل ئەو ریە بەسن رەسێد وە ناوچەگە، و ئاخڵەی ئەمنیگ لە شوین رویداوەگە دان، دەسەی ئاگرکپەوکزدن وە سێ تیم وەدویاچگن بارودۆخەگە و مامەلە وەرد تەقینەوەیل کردن.

تا ئیسە هووکار هیزگردن ئاگرەگە یا تقینەوەگە دیارنییە، هەمیش دەسەلاتدارەیل بڕ زەرد یا بڕ ئەمارەیل ناو ئەمارەگە رانەگەیاننە.