شەفەق نیوز- کینشاسا

راپۆرتە تەندروسیەیل، ئمڕوو جمعە، ئاشکرا کردن لە بەرزەوبوین شمارەی تۊشهاتنەیل وە ڤایرۆس "ئیبۆلا" لە کۆنگۆ ئەرا فرەتر لە 4 هەزار بيمار ئەرا یەکەم جار لە وەختیگەو کە بڵاوبوین پەتاگە دەسوەپیکردیە.

 راپۆرتەیل، دۊکە، دیاری کردن کە شمارەی بیمارەیل ئەرا فرەتر لە 3900 کەس بەرزەو بۊە، لە وەختیگ هەریەک لە ناوەندەیل ئەفریقی ئەرا نواگیریکردن بیماریەیل و مقیەتیکردن لەلیان، یا "ئاژانس تەندروسی ئەفریقی" و ریخریاگ تەندروسی جەهانی تەقەلای وازکردن لێکۆڵینەوەیگ هاوبەش کەن لە ئەگەر ئاڵشتکاری ڤایرۆس ئیبۆلای کوشندە لە وەرچەوگرۆن بڵاوبوین زویوەزوی لە کۆنگۆ.

 جان کاسیا، وەڕێوەبەر گشتی ناوەندەیل لە کۆنگرەی رووژنامەوانی هەفتانەی خوەی وت: "ئاست سەختی ئی بڵاوبوین ڤایرۆس ئیبۆلا بۆندیبۆجیۆ وینەی نەۊە".

هەمیش وت کە ریخریاگە تەندروسیەگە دەس کەێد وە "بڕیگ لێکۆڵینەوە ئەرا فامستن لەوەگ ئایا ئاڵشتکارییگ هەس یا نە"، و دیاری کرد کە بایەسە دەسەڵاتە تەندروسیەیل ئیسە بزانن کە 4 هەزار بیمار هەس.

 وەی جۊرە شمارەگە بوودە فرەتر لە 8 جار ئەوەگ لە خود ماوە بۊە لە بڵاوبوین "ئیبۆلا"، لە خوەراوای ئەفریقا لە ساڵ 2014، کە تا ئیسە سەختترینیە لە کیشوەرەگە.

لە لای خوەییشەو، وەڕێوەبەر گشتی ریخریاگ تەندروسی جەهانی تێدرۆس ئەدهانۆم غیبرێسوس، چوارشەممەی گوزەشتە، لە وەخت سەردانیگ ئەرا کۆنگۆ، کە مانگردن کارمەنەیلی لە بوار تەندروسی وە مدوو کەمبوین کرا وەخوەی دۊنێد، وت کە بڵاوبوین ڤایرۆس ئیبۆلا کە زویترینە لە جەهان لە تەقەلایەیل نواگیریکردنی رەد کەێد.