شەفەق نیوز - وەدویاچگن

نرخەیل تەڵا، ئمڕوو پەنجشەممە، لە نزمترین ئاست خوەیان لە 14 مانگەو بەرزەو بوین، وە پشتگیری پرۆسەیل سەنین لە وەخت داوەزیان نرخەیل، وەبان فرەبوین مەزەنەیل وەبان بەرزەوکردن نرخەیل سوود ئەمریکی لە ماوەی ئایندە.

تەڵا وە رێژەی 0.8% بەرزەو بوی رەسیە 3755 دۆلار ئەرا هەر ئۆنسەیگ، لە دویای ئەوەگ داوەزیانیگ وە رێژەی 3.2% لە دانیشتن چوارشەممە توومار کرد، کە رەسیە نزمترین ئاست بەسان لە ئەیلوول/سێپتەمبەر 2025ـەو.

کۆنویس دۊیاترین کۆبوینەوەیل ئەنجومەن یەدەگ فیدراڵی ئەمریکی رێککەفتن گشت وەرپرسەیل وە نزیکەیی نیشان دا لەبان هەوەجەیی وە بەرزکردن زیاتر نرخەیل سوود لە ماوەی مانگەیل ئایندە ئەرا گلەوداین هەڵاوسان تا ئاست ئامانجکریاگ  2%ـە.

نوقرە وە رێژەی 1.6% ئەرا 45.79 دۆلار ئەرا هەر ئۆنسەیگ بەرزەو بوی، هەمیش پلاتین و پالادیۆم بەرزەو بوین، لە وەختیگ پەیمانەی دۆلار ئەمریکی جیگیر بوی.

.