شەفەق نیوز- وەدویاچگن

نرخ تەڵا، ئمڕوو  پەنجشەممە، زیاتر لە 1% بەرز بوی، وەگەرد هەڵگردن وەبەرهێنەرەیل بڕیار ئەنجوومەن فیدراڵی ئەمریکی ئەرا بەرزەوکردن نرخ سود، و دیاریکرد  وە ئەگەر وەردەوامبوی لە تونکردن سیاسەت دارایی، لە وەختیگ نرخ نەفت جویلەی بەرزەوبوین خوەی لەدەسدا.

 تەڵای دەسوەجی وە رێژەی 1.1% بەرز بوی و رەسیە 4310.49 دۆلار ئەرا هەر ئۆنسیگ، تا ساعەت 01:49 وە وەخت  گرینویچ (04:49 شەوەکی وە وەخت بەغداد)، دۊای ئەوەگ لە دانیشتن گوزەشتە کەمترین ئاست خوەی لە نزیکەی شەش هەفتە توومار کردبوو، لە وەختیگ گرێبەستە ئایندەیل تەڵای ئەمریکی ئەرا دابینکردن لە مانگ کانون یەکەم نزیکەی 1% داوەزی و رەسیە 4348.70 دۆلار.

بانک ئینگلیز نرخ سودی بی ئاڵشتبوین هیشتەو، لە وەختیگ چەوەڕێ  وەبەرهێنەرەیل ئەرا هەر نیشانەیگ لەبان  ئەگەر بەرەوکردن، وە مدوو بەرزەوبوین تێچگ  وزە.

کیلڤین وونگ، شیکەرەوەی گەورەی بازاڕ لە کۆمپانیای OANDA، وت، داوەزیان نرخ نەفت هاتێ لە ماوەی ناوەین پشتگیری تەڵا بکەێد، دیاریکرد، کە بەرزەوبون ئیرنگەی  کانزای بەهادار تا بڕیگ فرە  پاڵپشتی لە هووکارە تەکنیکییەیل وەرگرێد، دۊای ئەوەگ وتە و سیاسەت تیژ فیدراڵ لە بازاڕەیل نرخدانان ئەرای کریایە.

لە باوەت کانزایەیل تریش، نوقرەی دەستوەجی وە رێژەی 1.4% بەرز بوی و رەسیە 63.83 دۆلار ئەرا هەر ئۆنسیگ، پلاتین وە رێژەی 1.6% بەرز بوی و رەسیە 1780.55 دۆلار، لە وەختیگ پالادیۆم 2% زیای بوی و رەسیە 1295 دۆلار.