شەفەق نیوز - وەدویاچگن

نرخەیل تەڵا وە شێوەی کەمیگ لە مامەڵەیل زوی ئاسیا، ئمڕوو سێشەممە، داوەزی وەگەرد بەرزەوبوین دۆلار و چەوەڕوانی سەرمایەگوزارەیل ئەرا بڕیار ئەنجومەن یەدەگ فیدراڵی ئەمریکی لەبان نرخەیل سوود، کە بڕیارە سوو چوارشەممە دەرچوود.

تەڵا لە مامەڵەیل دەستوەجی وە رێژەی 0.1٪ داوەزی ئەرا 4013.70 دۆلار ئەرا ئۆنسە، لە وەختیگ گرێبەسەیل ئایندەی ئەمریکا ئەرا تەڵا رادەسکردن کانون یەکەم وە بڕ 0.3٪ داوەزی ئەرا 4027.10 دۆلار.

لە بازاڕ کانزا گرانبەهایەیل ترەک، نوقرە لە مامەڵەیل دەستوەجێ وە رێژەی 0.1٪ بەرزەو بوی ئەرا 53.97 دۆلار ئەرا ئۆنسە، لە وەختیگ پلاتین لەبان 1527.81 دۆلار جێگیر بوی، و بلادیۆم وە رێژەی 0.7٪ داوەزی ئەرا 1042.43 دۆلار ئەرا ئۆنسەیگ.