شه‌فه‌ق نيوز/ فلاديمير بۆتين سه‌رۆك رووسى باس له‌وه كرد ك به‌شار ئه‌سه‌د سه‌رۆك سوورى هه‌ڵه‌يل فريه‌يگ ئه‌نجام داگه‌و ده‌خاڵه‌تكردن روسيايش له سوريا له‌وه‌ر وه‌رگريكردن له ئه‌سه‌د نيه، به‌ڵكوو له‌وه‌ر مقه‌يه‌تيكردنه له ده‌زگايه‌يل ده‌وڵه‌ت.
بۆتين له وه‌خت به‌شداريكدرنى له مونته‌داێ سان پترسبۆرگ وت: ئۆپۆزسيۆنه‌يل ئه‌سه‌د فريشته نين و ئيمه‌يش وه پله‌ێ يه‌كه‌م وه‌رگرى له ده‌زگايه‌يل ده‌وڵه‌ت سوورى ئه‌كه‌يم نه‌ك له سه‌رۆكه‌گه‌ێ و ناخوازيم له سوريا بارودوخيگ په‌يا بدێ هاوشيوه‌ێ ئه‌و بارودوخه ك هاته‌سه تويش ليبيا يا سۆماڵ يا ئه‌فغانستان.
جى باسه، زويتريش وزاره‌ت وه‌رگرى رووسى ئاشكراى په‌لامارداين ره‌تڵه‌يل ريكخرياگ ترۆريستى داعش كرد له‌وه‌خت خوه‌يكيشانه‌وه‌يان له ڕقه ئه‌را ئاوايه‌يل ته‌دمر و هه‌ڕه‌شه‌ێ ده‌رچگن هه‌ر چه‌كداريگ ئه‌و ريكخرياگه كرد وه‌ره‌و ناوچه‌يل ژير ده‌سڵات هيزه‌يل رژيم سوورى له‌ناوڕاس وڵاته‌گه.