شه‌فه‌ق نيوز/ محه‌مه‌د بن سه‌لمان وه‌ليعه‌د سعودى، پاشگه‌ز بويه‌و له‌و هه‌ڕه‌شه‌يله دژ وه ئيران و جيوازكردن جه‌نگ ئه‌را ناو خاك ئيرانى و جه‌خت له‌وه كرد وڵاته‌گه‌ى جه‌نگ له ناوچه‌گه ناخوازێد.
بن سه‌لمان له گفتگوويگ وه‌ل رووژنامه‌ى شه‌رقولئه‌وسه‌ت سعودى ك شه‌فه‌ق نيوز ئاگادارى بوى وت: هه‌ڵويست شانشين عه‌ره‌بى سعودى ئاشكراس جوور ئه‌وه‌گ له به‌ياننامه‌ى حكومه‌ته‌گه‌ى هاتگه‌و سعوديه جه‌نگ له ناوچه‌گه ناخوازێد، وه‌لێ پاشگه‌ز نادويمن له مامڵه‌كردن وه‌ل هه‌ر هه‌ڕه‌شه‌يگ له ملله‌ته‌گه‌مان و سه‌روه‌رى و به‌رژه‌وه‌نديه‌يلمان.
جى باسه، بن سه‌لمان هه‌ميش وت: ئه‌وله‌ويه‌تمان به‌رژه‌وه‌ندى نيشتمانمانه‌و هه‌ر وه‌و خاتريشه رۆڵ سعوديه له‌ناوچه‌ى كه‌نداو يا له‌باكوور ئه‌فريقيا يا له‌هه‌ر ناوچه‌يگ تر رۆڵ پشتگيريه له سه‌قامگيرى و ئاشتى.