شه‌فه‌ق نيوز/ دو ئافره‌ت تومه‌تبار هان ئه‌وه درياوێن برايگ داڵگى كيم جونج ئون سه‌رۆك كۆرياى باكوور بكوشن و له وه‌رده‌م دادگاى ماليزى باس له به‌رائه‌ت خوه‌يان ئه‌كه‌ن ك گوايا ده‌س له‌ى تومه‌ته نه‌ياشتنه.
ئى هه‌ردوگ ئافره‌ته دوياێ رووژه‌يليگ له كوشيان كيم جونج نام له 13ى شووبات گوزه‌يشت ده‌سگير كريان ك ئيسه‌يش له‌وه‌رده‌م دادگاى ماليزى وه‌رگرى له خوه‌يان ئه‌كه‌ن و ئه‌گه‌ره‌يل ئه‌وه‌يش هه‌س حوكم له‌سێداره له‌بانيان بچه‌سپيه‌ێد و باس له‌وه‌يش ئه‌كه‌ن ك خه‌ڵه‌تيانه و باوه‌ڕيان ئه‌وه بويه به‌شدارى له به‌رنامه‌يگ مه‌قله‌ب ته‌له‌فزيۆنى كردنه له وه‌ختيگ په‌لامار قوربانيه‌گه درياگه.
جى باسه، كيم جونج نام وه شيوازيگ ناڕه‌حه‌ت دوياى 20 ده‌قه گيان له‌ده‌سدا له ئاكام ئه‌و په‌لاماره ك له‌ڕى كاميره‌ێ چه‌وديرێ ته‌ياره‌خانه‌وه تۆمار كرياگه له وه‌ختيگ ك تواسگه بچێد وه‌ره‌و كۆلالامپور و له‌ڕى غاز فى ئيكس كوشياگه ك يه‌يش وه‌سيله‌يگ كيمياويه‌و يه‌كيگه له چه‌كه‌يل كوشنده‌و قه‌يه‌غه‌كرياێ.