شه‌فه‌ق نيوز/ ئمڕوو خارجيه‌ێ ئسرائيلى رينمايى دا باڵوێزخانه‌گه‌ێ له ئه‌نقه‌ر وه به‌سانن گشت باره‌گايه‌يل و نوێنه‌رايه‌تيه‌يل دبلۆماسى ئسرائيلى له توركيا.
له‌ى باوه‌ته‌و، هووكاره‌يل ره‌سانن ئسرائيلى وت: وزاره‌ته‌گه داواێ به‌سانن باڵوێزخانه‌و قونسوڵگه‌ريه‌يل ئسرائيلى كردگه له گشت توركيا له‌وه‌ر مه‌ترسى كاردانه‌وه‌ێ روێداگه‌يل قودس و روێ وه‌ڕوێ بوينه‌وه‌يل وه‌رده‌وام له خاكه‌يل داگيركرياێ فلستينى و روێداگ باڵوێزخانه‌گه له عه‌مان و كوشيان دو جايه‌ڵ ئوردنى له‌لايه‌ن ئه‌فسه‌ريگ ئاسايش ئسرائيلى.
جى باسه، ئى بڕيار خارجيه‌ێ ئسرائيليه دوياێ ئه‌وه هات ك په‌رسگايه‌يل يه‌هوودێ له توركيا كه‌فتنه وه‌ر په‌لاماره‌يليگ له كووتايى هه‌فته‌و هه‌ر وه‌و خاتريشه ئسرائيل مقه‌يه‌تى له باره‌گايه‌يل و باڵويزخانه‌يلى ئه‌كا.