شه‌فه‌ق نيوز/ شماره‌يگ خوه‌ينيشانده‌ر له‌وه‌ر ده‌رخستن ناڕه‌زايه‌تى وه‌ بوونه‌ى ده‌سگيركردن حسێن شيرازى پياو ئايينى شيعه‌وه‌ په‌لامار باڵوێزخانه‌ى ئيرانى دان له‌ له‌نده‌ن پايته‌خت بريتانى و چينه‌ ناو باڵه‌خانه‌ى ئه‌و باڵوێزخانه‌.

له‌ى باوه‌ته‌و، ئاژانس هه‌واڵه‌يل ئيرانى"ئيرنا"وت: په‌لامارده‌ره‌يل چينه‌سه‌ ناو باڵه‌خانه‌ى باڵوێزخانه‌گه‌و ئاڵاى خوه‌يان له‌بان به‌رزايى باڵه‌خانه‌گه‌ هه‌ڵدانه‌ وه‌بى هويچ كاردانه‌وه‌يگ له‌لايه‌ن پۆليس له‌نده‌نه‌و.

ئاژانس ناوبرياى وت: ئه‌و مه‌سه‌له‌ وه‌ گرتن ده‌سدريژيكه‌ره‌يل كووتايى وه‌پى هاتگه‌و وزاره‌ت خارجيه‌ى ئيرانييش شه‌رمه‌زار ئه‌و په‌لاماره‌ كردگه‌ له‌لايه‌ن په‌لامارده‌ره‌يله‌و.