شه‌فه‌ق نيوز/ جو بايدن كانديد ديموكراتخوازه‌يل له هه‌ڵوژاردنه‌يل سه‌رۆكايه‌تى ئه‌مريكا، تومه‌تبار دۆناڵد تره‌مپ سه‌رۆك كرد وه گووش نه‌داين وه مه‌سه‌له‌ى موحاسبه‌كردن چين له‌بان ڤايرۆس كۆرۆناى تازه.
جو بايدن له گرته‌يگ وێنه‌گرياێ ك له‌بان ئه‌نته‌رنێت بڵاو بوێ، وت: راسيه‌يل تيه‌ڵن، ئه‌ويش ئه‌وه‌سه ك تره‌مپ ئه‌مريكا وه واز و تويشبوين هيشت ئه‌را ئى په‌تا و وشدارى شاره‌زايه‌يل ته‌ندروسى و ئاژانسه‌يل هه‌واڵگرى پشتگووش خست و له‌جياى ئه‌وه‌يش گشت متمانه‌يگى خسته‌سه لاى سه‌ركرده‌يل چين.
بايدن هه‌ميش وت: تره‌مپ كووتايى وه ته‌مويل به‌رنامه‌گه‌ى هاورد ك له‌وه‌خت ئداره‌ى ئۆباما و بايدن دامه‌زريا ئه‌را چاره‌سه‌ر نه‌خوه‌شيه‌يل جيوازبوى له‌ناكاو شماره‌ى شاره‌زايه‌يل ناوه‌ند ئه‌مريكى ئه‌را روێ وه‌ڕوى بوينه‌وه‌ى نه‌خوه‌شيه‌يل مقه‌يه‌تبوين له‌لى كه‌مه‌و كرد، له‌ليانيش له چين وه دوكوتى و ئيسه‌يش واز له پايه‌يگ هاوردگه ك ته‌رخان ئه‌را ئه‌مريكا كريا له‌ناو ئاژانس له‌ناوبردن نه‌خوه‌شيه‌يل له چين و ئيسه ئيمه گشتمان باجه‌گه‌ێ ئه‌يه‌م، جوور ئه‌وه‌گ روێته‌رز ئاماژه وه‌پيكردگه.