شەفەق نیوز/ ئەمجەد ئەمینی، باوگ ژینا ئەمینی ک لەلایەن پۆلیس ئەخلاق  ئیران وە دەسپیچگ خاس نەپووشین لەچگ ئیسلامی لە تەهران کوشیا، وە وەڵام جیگر پزشکی داد ئیران ئەرا ئەوەگ داوای کردیە راسیەیل لەباوەت مردن دویەتەگەی بنویسیەێد، ئویشێد: وتیە" هەرچەگ لە بەرژەوەنی وڵات بوود ئەوە نویسیمن.''

ئەمجەد ئەمینی لەی باوەتە ئەرا یەکیگ لە پەیامنیرەیل سەروەخوەی ناوخوەیی ئیران وت: ''من لاڵکیام لە جیگر پزشکی داد ئیران تا ری وەپیم بیەێد دویەتەگەم بوینم، وئەویش ری وەپیم نەیا، وەپی وتم تو قەسەم خواردێدە راسیەگە بویشێ، دەربارەی دویەتەگەی منیش راسیەگە بویش.''

باوگ ژینا ئویشێد: جیگر پزشکی داد ئیران جواوم دا و وت: هەرچەگ لە بەرژەوەنی وڵات بوود ئەوە نویسیمن و ئەوەیش هویچ پەیوەندیی وە تو نەیرێد!''

ئەمجەد ئەمینی زوور کردیە ک لە وەرانوەر ئەو رەفتارە لایەنەیل یاسایی ئێران وە ماف خوەی زانێد لێدوان و ڕاپۆرتەیل پزشکی داد لەباوەت مەرگ دویەتەگەی رەد بکەێد.

ئەمینی باس ئەوەیش کرد ک  هیزە ئەمنیەیل ئیران داوا لە هاوسایان کردنە بویشن ''ژینا لە وەردەم خەسەخانەی کەسرا خوەی کوشتیە.''

ریخریاگ پزشکی دادی ئیران رووژ 7/10/2022 وە بڵاوکردن بەیاننامەیگ راگەیان: هوکار مەرگ ژینا ئەمینی دەس وەشانن لە سەری و ئەندام و دەمارە ژیانوەخشەیل لەشی نەویە.''